کانگریس کے ضلع اور شہر صدور کے لیے زور آزمائی شروع

ریاست اترپردیش میں اس وقت کانگریس کمزور ہے اور وہ تنظیمی سطح پر اپنی پارٹی کو مضبوط کرنے کی کوشش میں مصروف ہے۔

اس وقت نوئیڈا شہر اور ضلع کانگریس کے صدور کی تقرری ہونی ہے جس کے مدنظر پارٹی کے الگ الگ رہنماؤں نے اپنی دعوایداری پیش کی ہے۔

نوئڈا شہر کے صدرکے لیے تقریبا نصف درجن سے زائد کانگریسی رہنماؤں دعوایداری پیش کی ہے۔

اس سلسلے میں گزشتہ دنوں گوتم بدھ نگر لوک سبھا انچارج چینیکا انیال نے نوئیڈا کے گیجھوڑ دفتر میں کانگریس کے سینئر رہنماوں اور کارکنان کے ساتھ میٹنگ کی تھی۔

انہوں نے تمام کارکنان سے ملاقات کی اور ان سے فیڈ بیک بھی لیا ۔
نوئیڈا شہرکے صدر کے عہدہ کے لیے پی سی سی کے رکن چودھری اخترنے اعلی کمان کے سامنے اپنی دعویداری پیش کی ہے ۔

ایسا خیال ظاہر کیا جارہا ہے کہ مسلم ووٹرز کو قریب لانے کے لیے اس بار کسی مسلم کانگریسی رہنما کونوئدا کا صدر بنایا جاسکتا ہے ۔