پریاگ راج میں گذشتہ 24 گھنٹوں کے دوران پریاگ راج میں گنگا۔جمنا ندی کے آبی سطح میں دو میٹر سے زیادہ کا اضافہ درج کیا گیا ہے۔
جمنا میں گرنے والی ندیاں کین، بیتوا اور اس کی معاون ندی تھسان میں باندھوں سے اور گنگا میں کانپو بیراج سے بڑی مقدار میں لگاتار پانی چھوڑے جانے سے دونوں ندیوں کے آبی سطح تیزی سے خطرے کے نشان کی جانب بڑھ رہے ہیں۔
گنگا اور جمنا کے خطے کا نشان یہاں 84.734 میٹر درج ہے۔.
محکمہ سنچائی اور سیلاب کنٹرول روم کے ذریعہ اتوار کو آٹھ بجے جاری اعدادوشمار کے مطابق دونوں ندیوں کے بڑھتے آبی سطح سے سیلاب کا ڈر پیدا ہوگیا ہے۔
نینی میں جمنا کا آبی سطح 80.74 میٹر، پھاپھا مئو اور چھت ناگ میں گنگا کا بالترتیب80.76 اور80.11 میٹر درج کیا گیا ہے۔
گذشتہ 24 گھنٹے میں نینی میں جمنا کے آبی سطح میں 2.34 میٹر، چھت ناگ میں گنگا میں کے آبی سطح میں 2.41 میٹر اور پھاپھا مئو میں 1.94 میٹر اضافہ درج کیا گیا ہے۔
بڑھتے آبی سطح کی وجہ سے گنگا اور جمنا کے کنارے بسے گاؤں میں سیلاب کا پانی دھیرے دھیرے گھسنے لگا ہے۔
گنگا کے آبی سطح میں چھت ناگ میں 10.04 سینٹی میٹر، پھاپھا مئو میں 8.13 سینٹی میٹر اور نینی میں جمنا کے آبی سطح میں تقریبا9.75 سینٹی میٹر فی گھنٹے کے اعتبار سے اضافہ ہورہا ہے جس سے شہری اور دیہی علاقوں میں سیلاب کا خطرہ بڑھ گیا ہے۔
ضلع انتظامیہ نے سیلاب کنٹرول روم کے ساتھ آبی پولیس اور این ڈی آر ایف کی ٹیم اور ایس ڈی ایم، تحصیلدار اور دیگر افسران کو الرٹ پر رکھا ہے۔
ساحلی علاقوں میں رہنے والے سیلاب کے خطرے کو پھانتے ہوئے اپنے سامان کو محفوظ مقام پر پہنچانا شروع کردیا ہے۔
