بنارس: اعظم خان کی صحت یابی کے لیے اجتماعی دعا کا اہتمام

سماج وادی پارٹی کے قدآور رہنما و رکن پارلیمان اعظم خان کی صحت یابی کے لیے ریاستی اقلیتی کمیشن کے سابق چیئرمین شکیل احمد ببلو نے اپنی رہائش گاہ پر اجتماعی دعا کا اہتمام کیا جس میں شہر بنارس کے معروف علماء کرام و معزز شخصیات نے شرکت کی۔

ممبر پارلیمنٹ اعظم خان کے انتہائی قریبی شکیل احمد ببلو ای ٹی وی بھارت سے بات کرتے ہوئے جذباتی ہوگئے اور مسلسل اشکبا رہے۔

اقلیتی کمیشن کے سابق چیئرمین شکیل احمد نے اعظم خان کی صحت یابی کی دعا کرتے ہوئے اپنے قریبی روابط کا ذکر کیا۔

انہوں نے کہا کہ اعظم خان کے لیے نہ صرف بنارس کے عوام مسلسل دعا کررہے ہیں بلکہ پورے ملک کے عوام ان کی صحت یابی کے لیے دعا کر رہے ہیں۔

اعظم خان کی صحت کے حوالے سے بنارس کے لوگوں کو اطلاع ہوئی کہ انہیں انتہائی نگہداشت میں رکھا گیا ہے، اسی وقت سے لوگوں میں بے چینی ہے۔ سبھی لوگ ان کی صحت یابی کے لیے دعا گو ہیں۔

انہوں نے مزید کہا کہ اعظم خان کی تعلیمی میدان میں نمایاں خدمات ہیں۔