پرتاپ گڑھ: تالاب میں ڈوبنے سے دو لوگوں کی موت

اترپردیش کے ضلع پرتاپ گڑھ کے کنڈا کوتوالی علاقے میں پیر کو تالاب میں نہانے گئے تین بچوں سمیت چار افراد ڈوب گئے جن میں سے دو کی موت ہوگئی۔

پولیس ذرائع نے بتایا کہ فریدپور گاؤں کے تالاب میں نہانے گئے ایک شخص اور تین بچے ڈوب گئے۔ آس پاس کے لوگوں نے ڈوبنے والے افراد کو پانی سے نکال کر اسپتال پہنچایا جہاں پر ڈاکٹروں نے محمد قاسم(10)اور محمد شمیم(18) کو مردہ قرار دے دیا۔

انہوں نے بتایا کہ آج صبح تقریبا دس بجے شمیم تین بچوں کے ساتھ تالاب میں نہا رہے تھے کہ اس درمیان پیر پھسلنے سے ایک بچہ ڈوبنے لگا جسے بچانے کی کوشش میں شمیم کے علاوہ تین بچے بھی پانی میں ڈوب گئے۔

موقع پر پہنچے مقامی افراد نے چاروں کو پانی سے نکال کر اسپتال پہنچایا جہاں ڈاکٹروں نے شمیم اور قاسم کو مردہ قرار دے دیا۔