بارہ بنکی: سیلف ہیلپ گروپس کے کاموں کو ملی نئی شناخت

ریاست اترپردیش کے بارہ بنکی میں سیلف ہیلپ گروپس کی خواتین کے کاموں کو نئی شناخت ملی ہے۔ کرونا وبا کے دور میں خواتین کے سیلف ہیلپ گروپس نے نہ صرف مزید کمائی کی ہے، بلکہ سماج کی اہم ضروریات کو پورا کرنے کی بھی کوشش کی ہے۔

سیلف ہیلپ گروپس کی خواتین کے ذریعہ سلی گئیں اسکول ڈریس کو طلبہ میں تقسیم کیا گیا اور ان خواتین کی جانب سے لگائی گئی دکان کا افتتاح کیا گیا۔

قابل غور ہے کہ حکومتی مدد اور مناسب رہبری سے ایس ایچ جی کی خواتین نے لاک ڈاؤن کے دوران مختلف پراڈکٹس تیار کئے ہیں۔ سیلف ہیلپ گروپس کو فروغ دینے کے لیے لاک ڈاؤن کے دوران پرائمری اسکول کے طلبہ کے ڈریس سینے کی ذمہ داری کی گئی تھی تاہم اس ذمہ داری کو انہوں نے بخوبی نبھایا۔

خواتین نے لاک ڈاؤن کے دوران ماسک کی سلائی کی اور سنیٹائزرز بناکر خاصی آمدنی حاصل کی۔

ایس ایچ جی کی بہتر کارکردگی کو نظر میں رکھتے ہوئے انہیں مزید فروغ کی غرض سے انتظامیہ نے ان پراڈکٹس کے مظاہرے کے لیے ایک دکان بھی مہیا کرائی ہے جہاں سے ایس ایچ جی کی خواتین اپنے پراڈکٹس کی مارکیٹنگ کرسکتی ہیں۔