بہرائچ: یوم جمہوریہ کے موقع پر پولیس لائن میں پریڈ

یوم جمہوریہ کے موقع پر بہرائچ پولیس لائن میں پولیس پریڈ و ثقافتی پروگرام کیا گیا۔

بہرائچ پولیس لائن میدان میں آج یوم جمہوریہ کے موقع پر پولیس پریڈ کا انعقاد کیا گیا، جس میں مہمان خصوصی اترپردیش کابینہ وزیر مکٹ بہاری ورما نے پولیس جوانوں کے ذریعہ دی گئی پریڈ میں سلامی لی۔

اس علاوہ جوانوں نے مختلف قسم کے کرتب کو کر اپنے ہنر کو پیش کیا اور ضلع کے تمام اسکولوں، مدارس اور کالج کے بچوں نے بھی اپنے اپنے ثقافتی پروگرام پیش کیے۔

اس موقع پر ضلع کے تمام افسران، معززین کے علاوہ ضلع مجسٹریٹ شمبھو کمار و پولیس کپتان ڈاکٹر گورو گروور اور اسکولی بچوں و انکے والدین نے شرکت کر پروگرام کا لطف اٹھایا اور پرچم کشائی میں شرکت کر ملک سے محبت کا ثبوت پیش کیا۔