Population Control Law Issue: آبادی پر کنٹرول قانون پر ڈاکٹر شفیق الرحمٰن برق کا بیان

بھارتیہ جنتا پارٹی حکومت کی جانب سے آبادی پر کنٹرول کے تعلق سے قانون بنانے کی باتیں کی جاتی رہی ہیں۔ عالمی یوم آبادی کے موقع پر سنبھل سے سماج وادی پارٹی کے رکن پارلیمان ڈاکٹر شفیق الرحمٰن برق نے کہا کہ بھارتیہ جنتا پارٹی کی جانب سے جس طرح سے آبادی پر کنٹرول کے تعلق سے بیان بازی ہورہی ہے یہ سب 2024 لوک سبھا انتخابات کی تیاری ہے۔ Population Control Issue

اترپردیش: ضلع سنبھل سے سماج وادی پارٹی کے ایم پی ڈاکٹر شفیق الرحمٰن برق نے عالمی یوم آبادی Population Control Issue پر بولتے ہوئے کہا ہے کہ جہاں تک آبادی کی بات ہے تو اس کا تعلق انسان سے نہیں قدرت سے ہے یعنی انسان کی پیدائش اللہ کی مرضی سے ہوتی ہے۔ پروردگار جب کسی بچے کو پیدا کرنے کا ارادہ کرتا ہے تو وہ اس کے ساتھ میں رزق کا بھی انتظام کر دیتا ہے۔ Population Control Controversial Statement by Dr Shafiqur Rahman Barq

انہوں نے کہا کہ بھارتیہ جنتا پارٹی کے لوگ مسلمانوں کو ہمیشہ آبادی کے نام پر ٹارگیٹ کرتے ہیں جب کہ مسلمانوں کی آبادی ہمارے ملک میں بہت کم ہے۔ ڈاکٹر شفیق الرحمٰن برق نے مزید کہا کہ حکومت آبادی کنٹرول قانون لانا چاہتی ہے بلکہ قانون نہ لاکر حکومت کو بچوں کی تعلیم کا انتظام کرنا چاہیے اور تعلیم پر زور دے کر سبھی کے لیے حکومت کو روزگار مہیا کرانا چاہیے۔

اس کے ساتھ ہی انہوں نے کہا کہ میں سمجھتا ہوں کہ جب لوگوں میں تعلیم کے لیے شعور ہوگا تو لوگ تعلیم یافتہ ہوں گے اور آبادی خود بخود کم ہو جائے گی۔ تعلیم کے لیے لوگوں کو بیدار کیا جائے ملک میں آبادی کا بڑھنا کسی ایک مذہب کی پریشانی نہیں ہے۔ یہ سب کی پریشانی ہے۔ جب سب لوگوں کے پاس تعلیم ہوگی تو کسی قانون کی ضرورت نہیں پڑے گی۔ بھارتیہ جنتا پارٹی کے لوگ جس طرح سے آبادی پر بیان بازی کر رہے ہیں یہ سب سال 2024 کے انتخابات کی تیاری ہے۔ حکومت کام تو کرتی نہیں ہے بلکہ بیان بازی سے ملک کی خستہ حالی کو ایک طرف کرنا چاہتی ہے۔