ڈی سی پی کی سربراہی میں لاک ڈاؤن کی صورتحال کا جائزہ

کورونا وائرس کے باعث پوری دنیا میں غیر معمولی صورتحال پیدا ہوئی ہے۔ ہر طرف ہیجانی کیفیت برپا ہے۔اس تناظر میں نوئیڈا کے سیکٹر 11 واقع دھول گری اپارٹمنٹ میں آج کمشنریٹ پولیس نے دورہ کرکے لاک ڈاؤن کی صورتحال کا جائزہ لیا۔

اس موقع پر ڈی سی پی رن وجے سنگھ اور اے سی پی رجنیش ورما نے اپارٹمنٹ میں پیدل مارچ کیا۔ وہاں پر موجود لوگوں نے پولیس انتظامیہ کی کوششوں کو سراہا اور پھول پیش کیا۔

ڈی سی پی کا کہنا ہے کہ کوئی بھی جنگ حکومت یا انتظامیہ اکیلے نہیں جیت سکتی، اس کے لئے پوری قوم کا ساتھ چاہیے ہوتا ہے اور کورونا وائرس کے خلاف جنگ بھی قوم متحد ہو کر لڑے گی۔

اس مقصد کے لئے ہم سب کو اپنے۔ اپنے حصے کا کردار ادا کرنا ہو گا۔ کمشنر پولیس نے سینیٹایزر بھی تقسیم کیے اور صفائی پر خصوصی توجہ دینے کی بات کہیں اور ماسک بھی تقسیم کیے۔

ساتھ یہ بھی کہا کہ آپ لوگ گھروں سے باہر نہ نکلیں اور لاک ڈاؤن پر مکمل عمل کریں، تاکہ اس مہلک وبائی امراض پر جلد ازجلد قابو پایا جاسکے۔