ریاست اتر پردیش کے نوئیڈا میں سیکٹر 21 میں واقع اسٹیڈیم کے پاس ایک چوری کی واردات میں جگت سنگھ کی اسکوٹی چوری ہو گئی۔
نوئیڈا سیکٹر 11 کے جگت سنگھ نے کوتوالی سیکٹر 24 پولیس اسٹیشن میں شکایت کی جس کے بعد پولیس نے فوری طور پر کاروائی کرتے ہوے چوروں کا پیچھا کیا۔
اطلاح ملنے پر پولیس نےچوروں کو سیکٹر 54 میں گھیر لیا۔ چوروں نے اپنے آپ کو گھرتا دیکھ پولیس پر فائیرنگ بھی کی، وہیں جوابی فائیرنگ میں پولیس نے چور کے پیر پر گولی ماری اور اسے گرفتار کر لیا۔
واضح رہے کے اس کا ایک ساتھی موقع سے فرار ہو نے میں کامیاب رہا۔ملزم چور بریجیش گیٹ کھوڑہ کالانی غازیا باد کا رہنے والا ہے، پولیس نے اسے گرفتار کر علاج کے لیے ہسپتال داخل کرایا ہے۔ وہیں موقع سے فرار دوسرے ملزم کو پولیس تلاش کر رہی ہے۔
کوتوالی سیکٹر 24 پولیس کے مطابق تصادم میں زخمی ہوا بدمعاش شاطر لٹیراہے۔ اس کے خلاف کوتوالی سیکٹر 58، سیکٹر 49، سیکٹر 20، سیکٹر 24 میں لوٹ، اسنیچنگ سمیت دیگر دفعات کے قریب نصف درجن کیس پہلے سے ہی درج ہیں۔ وہ 25 اپریل کو ہی جیل سے چھوٹ کر باہر آیا اور اس کے بعد سے مسلسل لوٹ مار کی واردات کو انجام دے رہا تھا۔
نوئیڈا میں لگاتار چوری کی واردات سامنے آرہی ہیں، شہریوں کا کہنا ہے کہ اب چوری کی وارداتیں اتنی زیادہ ہو رہی ہیں کہ پولیس ان کی شکایت بھی درج نہیں کر رہی ہے۔ نوئیڈا پولیس کے پاس ہر ہفتے درجنوں چوری کی شکایتیں درج ہوتی ہیں۔