پولیس نے مجھولہ قتل کا پردہ فاش کیا

پولس نے معاملے کا انکشاف کرتے ہوئے بتایا کہ گمشدہ آکاش کے تین دوست اجے، راجیو اور ورون نے آکاش کا قتل کیا۔

ریاست اتر پردیش کے مرادآباد تھانہ مجھولہ میں 17 اکتوبر 2020 کو آکاش نامی نوجوان کےوالدکشن لال نے تھانہ مجھولہ میں ایک تحریر دیکر آکاش (25 برس) کے لاپتہ ہونےکی رپورٹ درج کرائی تھی۔

پولس کو دی گئی درخواست میں بتا یا گیا کہ آکاش 14 اکتوبر سے گھر نہیں آیا ہے پولس نے آکاش کی گمشدگی درج کر معاملے کی چھان بین شروع کر دی۔

پیر کو پولس نے معاملے کا انکشاف کرتے ہوئے بتایا کہ گمشدہ آکاش کے تین دوست اجے، راجیو اور ورون نے آکاش کا قتل کیا۔ قتل کی وجہ یہ بتائی گئی کہ آکاش اجے کی بہن پر بد کرداری اور فحاشی کا الزام لگایا۔

پولس نے مذکورہ تینوں ملزموں کے پاس سے ایک تمنچہ 315 بور ایک کارتوس 315 بور اور ایک کھوکا کارتوس اور ایک اسکوٹی برآمد کی۔ملزموں کو گرفتار کر جیل بھیج دیا گیا۔