بارہ بنکی: پولیس نے لوٹ مار کرنے والے گروہ کا انکشاف کیا

پولیس نے لوٹ مار کرنے والے گروہ کا انکشاف کرتے ہوئے دو شاطر بدمعاشوں کو گرفتار کیا ہے، پولیس نے گرفتار بدمعاشوں کے پاس سے نقدی سمیت اسمیک، کار اور موٹرسائیکل برآمد کی ہے۔

ریاست اترپردیش کے بارہ بنکی میں پولیس نے لوٹ مار کرنے والے گروہ کا انکشاف کرتے ہوئے دو شاطر بدمعاشوں کو گرفتار کیا ہے، پولیس کو گرفتار بدمعاشوں کے پاس سے نقدی سمیت اسمیک، کار اور موٹرسائیکل برآمد ہوئی ہے۔

معلومات کے مطابق گروہ کے متعدد اراکین مرادآباد کے آس پاس کے اضلاع کے رہائشی ہیں۔ یہ تمام افراد مختلف اضلاع میں دوا فروخت کرنے کی آڑ میں لوٹ ڈکیتی جیسی واردات کو انجام دیتے ہیں۔

واضح رہے کہ 19 نومبر کو محمدپور کھالہ تھانہ حلقے کے جھنجرا چوراہا واقع محمد طاہر کی دکان سے اس گروہ نے 7100 روپے کی چوری کر لی، مقدمہ درج ہونے پر پولیس نے اس معاملے کی تحقیقات شروع کر دی جس کے بعد پولیس نے اس معاملے میں مرآداباد کے رہائشی ہرمندر اور رامپور ضلع کے وشنو کو گرفتار کیا ہے. دونوں سے پوچھ گچھ میں انکشاف ہوا کہ یہ شاطر چور متحد ہوکر جرائم کو انجام دیتے ہیں۔

پکڑے گئے چوروں نے بتایا کہ وہ مختلف اضلاع میں دوا اور دیگر سامان فروخت کرنے کی آڑ میں مختلف واردات کو انجام دیتے ہیں. ان پر کوئی شک نہ کرے اس لئے وہ اپنی خاتون کو بھی ساتھ رکھتے ہیں اور بہت منظم طریقے سے واردات کو انجام دیتے ہیں۔

اس تعلق سے بارہ بنکی کے ایس پی ڈاکٹر اروند چترویدی نے بتایا کہ کوئی بھی شخص بہت آسانی سے اس گروہ کا شکار ہو سکتا ہے، اس لئے تمام افراد کو ایسے گروہ سے محفوظ رہنے کی ضرورت ہے ۔