کملیش تیواری قتل: ہتھیار برآمد

کملیش تیواری قتل معاملے میں پولیس یکے بعد دیگرے انکشافات کر رہی ہے، ہندو سماج پارٹی کے رہنما کملیش تیواری کا قتل جس ہتھیار سے کیا گیا تھا پولیس نے وہ ہتھیار برآمد کر لیا ہے۔

گزشتہ روز ہندو سماج پارٹی کے رہنما کملیش تیواری کا لکھنئو میں بے رحمی سے قتل کر دیا گیا تھا جس کے بعد پولیس حرکت میں آئی اور اس چاقو کو لکھنؤ پولیس نے خالصہ اِن ہوٹل کے کمرہ نمبر جی 103 سے برآمد کر لیا ہے۔

کملیش تیواری قتل معاملہ

کملیش تیواری کا ان کی رہائش گاہ کی پہلی منزل پر گزشتہ روز بے رحمی سے قتل کر دیا گیا تھا۔

اس معاملے میں پولیس کو اطلا ملی تھی کہ قاتل ہوٹل خالصہ ان میں ٹھہرے ہوئے تھے۔

کملیش تیواری کو قتل کرنے کے بعد وہ دونوں واپس ہوٹل پہنچے تھے اور ہوٹل میں چند منٹ رہنے کے بعد دونوں کمرہ كھالی كر کے وہاں سے نکل گئے تھے۔
پولیس کو ہوٹل کی جانب سے اطلاع ملی تھی کہ دو مشتبہ افراد 17 اکتوبر کی رات یہاں رکنے آئے تھے۔

اطلاع ملنے کے بعد پولیس ہوٹل پہنچی اور اس کے کمرہ نمبر جی 103 کی تلاشی لی۔

کمرے کی تلاشی کے دوران پولیس نے قتل کے لیے استعمال کئے گئے چاکو کو بر آمد کر لیا ہے۔