نوئیڈا: چیکنگ کے دوران غیر قانونی شراب برآمد

اترپردیش میں پنچایتی انتخابات کی گہما گہمی شروع ہوگئی ہے۔ پولیس کو اس بات کا علم ہے کہ ایسے موقع پر شراب کے حصول کے لئے جائز اور ناجائز ہتھکنڈے اپنائے جائیں گے۔ اس کے خلاف نوئیڈا پولیس اور محکمہ ایکسائز کی ٹیموں نے مشترکہ مہم چلا رکھی ہے۔

پنچایت انتخابات کے پیش نظر غیر قانونی شراب کی فروخت / نقل و حمل کی روک تھام کے لئے چلائی جارہی خصوصی مہم کے تحت ایسٹرن پیریفرل گریٹر نوئیڈا کے سرساکٹ پر روڈ چیکنگ کے دوران ایک سفید ہنڈئی کار میں غیر قانونی شراب پکڑی گئی۔

کار کی پچھلی ڈیگی میں 22 پیٹی یعنی 1100 پووا رسیلہ سنترہ برآمد ہوئی، جو صرف ہریانہ میں فروخت ہو سکتی ہے۔

موقع پر ملزم گوراو ولد کوشل پال سنگھ فیروز آباد کو گرفتار کر کے ہنڈئی کار کو پولیس نے قبضہ میں لے لیا۔ متعلقہ تھانہ میں ایکسائز ایکٹ اور آئی پی سی کے متعلقہ سیکشن میں مقدمہ درج کراکر ملزم کو جیل بھیج دیا گیا۔