دراصل یہ معاملہ میرٹھ کے کمشنری علاقے کا ہے جہاں راکیش نام کے ایک چائے والے نے اس کتے كو اپنے یہاں پال رکھا تھا، لیکن لاک ڈاؤن کے درمیان راکیش کے چلے جانے کے بعد یہ کتا کمشنری پارک کے پاس ہی ره رہا تھا اور مقامی پولیس کے اہلکار ہی اس کتے کی دیکھ بھال کرتے تھے۔
پولیس کے جوانوں نے کتے کا نام راکیش ہی رکھ دیا۔ کتا بھی راکیش کے نام سے پکارا جانے لگا اور کتا پولیس والوں کے ساتھ گھل مل گیا تھا، لیکن ایک ہفتہ پہلے کتے کی طبیعت خراب ہونے پر پولیس کے اہلکاروں نے اس کتے کی خوب خدمت بھی کی ۔
جس کی تصویر کا ذکر وزیراعظم نریندر مودی نے اپنے 'من کی بات' میں بھی کی تھی۔ اس کے بعد گزشتہ روز کتے کی طبیعت ایک بار پھر سے خراب ہونے پر اس کا علاج کیا گیا، لیکن اس کی موت ہوگئی، آج میرٹھ کے کمشنری پارک میں ہی سپرد خاک کردیا گیا۔ راکیش کی آخری رسومات میں کثیر تعداد میں پولیس کے جوانوں کے علاوہ مقامی لوگوں نے بھی شرکت کی۔
مزید پڑھیں:
میرٹھ میں راکیش نامی کتے کی موت پر پولیس کے جوان افسوس کا اظہار کر رہے ہیں۔ ان کا کہنا ہے کہ كورونا کے ماحول میں بھی یہ کتا پولیس کے جوانوں کے ساتھ ہی رہتا تھا۔ تبھی تو من کی بات میں وزیراعظم نے بھی میرٹھ پولیس اس کتے کی تصویر كو سراہا تھا۔
