بارہ بنکی: کانسٹبل نسیم خان کے کام کی ہو رہی ہے ستائش

ریاست اتر پردیش کے بارہ بنکی پولیس اینٹی کورونا سیل کے انچارج نسیم خان نے اپنے تمام افسران کا دل جیت لیا ہے۔ اینٹی کورونا سیل کے انچارج کے طور پر وہ روزآنہ پولیس ہیڈ کوارٹر میں ضلع کے اعداد و شمار بھیجتے رہتے ہیں۔

نسیم خان کی وجہ سے ایک روز بھی اعداد و شمار کو بھیجنے میں تاخیر نہیں ہوئی ہے۔ جس کی وجہ سے آج تک ضلع افسران کے پاس آج تک اعداد و شمار کے لیے کوئی شکایت نہیں آئی ہے۔

پیر کے روز نسیم خان کی اس خاصیت کی وجہ سے اے ڈی جی لکھنؤ زون ایس این سابت نے انہیں اعزاز سے بھی سرفراز کیا ہے۔

کام کو وقت پر نپٹانا، بہترین ڈرافٹنگ اور ہندی زبان پر ان کی مہارت سے پولیس سپریٹینڈنٹ ڈاکٹر اروند چترویدی ان کے قائل ہو گئے ہیں۔

ڈاکٹر اروند چترویدی نسیم خان کے کاموں کی خوب ستائش کر رہے ہیں۔

قابل غور ہو کہ نسیم خان بارہ بنکی پولیس لائن میں اینٹی کورونا سیل کے انچارج ہیں۔

نسیم خان اپنی کامیابی کا صحرا اپنے ساتھیوں کو دیتے ہیں اور اپنی اس کامیابی کی وجہ کام میں تاخیر نہ کرنے کو بتاتے ہیں۔