اترپردیش اسمبلی میں تعینات سب انسپکٹر نے گولی مار کرخودکشی کی

اترپردیش اسمبلی کے سامنے سیکیورٹی ڈیوٹی پر تعینات ایک پولیس سب انسپکٹر نے آج اپنی سرکاری پستول سے خود کو گولی مار کر ہلاک کر لیا۔

لکھنؤ کے پولیس کمشنر ڈی کے ٹھاکر نے بتایا کہ بنتھرا تھانے میں تعینات 53 سالہ پولیس سب انسپکٹر نرمل کمار چوبے کی ڈیوٹی اسمبلی کے گیٹ نمبر سات پر تھی۔ جمعرات سہ پہر تقرباً تین بجے اسمبلی پارک میں اچانک گولی چلنے کی آواز سنائی دی۔ اس پر وہاں موجود سیکیورٹی اہلکار اس کے پاس پہنچے تو نرمل کمار سنگین حالت میں پڑاملا۔ گولی اس کی سرکاری پستول سے چلی تھی۔ فوری طورپر چوبے کو سول اسپتال لے جایا گیا جہاں ڈاکٹروں سے اسے مردہ قرار دے دیا۔

انہوں نے بتایا کہ مسٹر چوبے کے پاس ملے سوسائڈ نوٹ وزیراعلیٰ کو لکھا تھا کہ وہ بیمار ہیں اور جا رہے ہیں۔

انہوں نے بتایا کہ مسٹر چوبے بنیادی طورسے وارانسی کے رہنے والے تھے۔ وہ 1987 میں پولیس میں بھرتی ہوئے تھے۔ اس سلسلے میں حضرت گنج پولیس تفتیش کررہی ہے۔