مظفر نگر: پولیس نے لوٹ کی واردات کا انکشاف کیا

پولیس نے لوٹ کی واردات کا انکشاف کرتے ہوئے اس کو انجام دینے والے چار ملزمین کو گرفتار کیا ہے، ساتھ ہی ان کے قبضے سے لوٹ کی رقم بھی برآمد کر لی ہے۔

ریاست اترپردیش کے ضلع مظفر نگر کے تھانہ علاقہ کھتولی میں دو روز قبل بینک ملازم کے ساتھ تین لاکھ سے زائد کی لوٹ ہوئی تھی۔ پولیس نے لوٹ کی واردات کا انکشاف کرتے ہوئے واردات کو انجام دینے والے چار ملزمان کو گرفتار کیا ہے، ساتھ ہی ان کے قبضے سے لوٹ کی رقم بھی برآمد کر لی گئی ہے۔

دراصل معاملہ مظفرنگر کے تھانہ علاقہ کھتولی کے چیتوڑا راستے کا ہے، جہاں دو روز قبل بینک ملازم دیپک سے دن دہاڑے بائیک سوار دو شرپسندوں نے تین لاکھ روپے اور ایک لیپ ٹاپ چھین کر فرار ہو گئے تھے جس کی وجہ سے علاقے میں سنسنی پھیل گئی تھی۔

مظفر نگر: پولیس نے لوٹ کی واردات کا انکشاف کیا

لوٹ کی اس واردات کا انکشاف کرتے ہوئے پولیس نے چار بدمعاش آدیش، کپل، سچن اور اشوک کو انکاؤنٹر کے دوران گرفتار کر لیا۔

گرفتار ملزمین کے قبضے سے پولیس نے لوٹے گئے لیپ ٹاپ، ایک لاکھ روپے کی نقدی اور غیر قانونی اسلحہ برآمد کیا ہے۔ پولیس نے کارروائی کرتے ہوئے چاروں ملزمین کو جیل بھیج دیا۔