امروہہ پولیس نے لوٹ کا انکشاف کیا، پانچ ملزمین گرفتار

امروہہ ضلع کی نوگاوا سادات پولیس نے لوٹ کی واردات کا انکشاف کرتے ہوئے لوٹ کے پانچ ملزمین کو گرفتار کیا ہے۔ گرفتار ملزمان سے غیرقانونی ہتھیار، کارتوس اور دو موٹرسائیکل سمیت لوٹ کا کیش بھی برآمد کیا ہے۔

ریاست اترپردیش کے امروہہ ضلع کے پولیس اسٹیشن نوگاوا سادات علاقے میں کچھ دن پہلے ایک لوٹ کی واردات کو انجام دیا گیا تھا۔

جس کے بعد پولیس محکمہ کی ٹیمیں اس واقعے کے انکشاف کے لیے مصروف عمل تھیں۔ پولیس نے اب انکشافات کرتے ہوئے پانچ ملزمین کو گرفتار کرلیا ہے۔

لوٹ کا انکشاف کرتے ہوئے امروہہ کے ایڈیشنل سپرنٹنڈنٹ پولیس اجے پرتاپ سنگھ نے بتایا کہ، 'گرفتار تمام ملزم امروہہ شہر کے رہائشی ہیں۔ انہوں نے بتایا کہ جب پولیس اہلکار چیکنگ کر رہی تھی، تب تین موٹر سائیکل آتی دکھائی دی۔

روکنے پر دو موٹرسائیکلوں پر سوار پانچ ملزموں پکڑ لیا گیا جبکہ ایک موٹرسائیکل سوار فرار ہوگیا۔'

انہوں نے بتایا کہ پکڑے گئے ملزموں سے لوٹ کے 25 ہزار روپیے، چار غیر قانونی اسلحہ، کارتوس، کاغذات اور بیگ بھی برآمد ہوئے ہیں۔

اب تمام ملزمان کے خلاف قانونی کارروائی کی جارہی ہے۔