نوئیڈا: پولیس اور شرپسندوں کے درمیان تصادم، دو گرفتار

نوئیڈا کے سیکٹر 39 میں پولیس اور شرپسندوں کے درمیان تصادم میں دو شرپسند زخمی ہوگئے، جنہیں پولیس نے گرفتار کرلیا ہے۔ جبکہ ایک بدمعاش فرار ہونے میں کامیاب ہوگیا ہے۔

ریاست اترپردیش کے ضلع گوتم بدھ نگر کے سیکٹر 39 میں پولیس اور شرپسندوں کے درمیان گاؤں اصغر پور جانے والے انڈر پاس کے سامنے جنگل میں تصادم کے دوران گولی لگنے کے بعد علی گڑھ کے پشپیندر اور دنکور کے جاوید کو زخمی حالت میں گرفتار کیا گیا ہے جبکہ ایک بدمعاش موقع سے فرار ہوگیا ہے۔ جو فرار ہوا ہے اس کا نام منوج ہے جس کو پکڑنے کے لیے مہم جاری ہے۔

گرفتار شرپسندوں کے قبضے سے ایک گاڑی، لوٹ کے 25000 روپے، دو طمنچے، دو کارتوس برآمد ہوئے ہیں۔

پولیس اور شرپسندوں کے درمیان تصادم، دو گرفتار

دونوں زخمی شرپسندوں کو علاج کے لیے ضلعی ہسپتال بھیج دیا گیا ہے۔ پولیس ضلع میں جرائم کو ختم کرنے کے لیے ہر ممکن کوشش کر رہی ہے اور 24 گھنٹے میں چار انکاؤنٹر کر چکی ہے۔ لیکن پھر بھی جرائم میں کوئی کمی واقع نہیں ہو رہی ہے۔