بلندشہر: اترپردیش کے ضلع بلندشہر کے سکندر آباد علاقے میں پولیس نے ایک ہتھیار فیکٹری کا انکشاف کر کے بڑی تعداد میں ہتھیار و اسے بنانے کے آلات برآمد کئے ہیں۔ اس سلسلے میں پولیس نے ایک شخص کو گرفتار کیا ہے۔Police busts illegal arms factory in Bulandshahr
ایس پی (شہر) سریندر ناتھ تیواری نے ہفتہ کو بتایا کہ ایک اطلاع کی بنیاد پر پولیس نے جمعہ کی رات چھاپہ مار کر فیکٹری کو سیز کردیا اور موقع سے محلہ گوکھی تھانہ سکندرآباد باشندہ شاہد کو گرفتار کیا ہے۔ انہوں نے بتایا کہ پولیس نے موقع سے 315بور کے پانچ تیار طمنچے، ایک دیسی بندوق، 12بور کا ایک تیارطمنچہ اور دیگر آدھے ادھورے بنے ہتھیار برآمد کئے ہیں۔موقع سے لوہے کی نال و دیگر آلات برآمد کئے گئے ہیں۔ ایس پی سٹی نے بتایا کہ ایک ملزم موقع سے فرار ہوگیا جس کی تلاشی لی جارہی ہے۔ انہوں نے بتایا کہ شاہد شاطر قسم کا بدمعاش ہے اور اس کے خلاف کئی تھانوں میں مجرمانہ مقدمے درج ہیں۔