جونپور: غیر قانونی شراب فیکٹری کا پردہ فاش، دو گرفتار

اترپردیش کے ضلع جونپور کے بدلا پور علاقے میں پولیس نے شراب بنانے کی فیکٹری کا پردہ فاش کرتے ہوئے دو ملزمین کو گرفتار کیا ہے۔

سپرنٹنڈنٹ آف پولیس اشوک کمار نے سنیچر کو یہاں بتایا کہ پولیس کو مخبر نے اطلاع دی تھی کہ قصبے کے ہکار پور گاؤں میں غیر قانونی طور سے ایک مکان میں شراب بنانے کی فیکٹری چل رہی ہے۔ جمعہ کی رات بدلاپور کے آبکاری انسپکٹر اور پولیس ٹیم نے دبش دے کر مکان کو گھیر لیا۔

انہوں نے بتایا کہ مکان کے ایک کمرے میں 120 پیٹی شراب، 20 ڈرم غیر مرکب شراب و بوتل سیل کرنے کا سامان، خالی بوتل و ڈھکن اور پیکنگ مشین، ہولوگرام سمیت دیگر آلات برآمد کئے ہیں۔ کمار نے بتایا کہ اس معاملے میں پولیس نے دگولی خرد باشندہ راج کمار یادو عرف راجیش سمیت دو افراد کو گرفتار کیا ہے۔ اس دوران شراب فیکٹری میں کام کر رہے دیگر تین افرد فرارہونے میں کامیاب ہو گئے۔