Six Man Arrest in Aurangabad کمپنی کے 110 کروڑ روپے کرپٹو کرنسی میں منتقل کرنے والے چھ ملزمین گرفتار

اورنگ آباد ضلع سائبر پولیس نے سمرتھ نگر علاقے میں واقع ایک ہوٹل میں خصوصی چھاپہ ماری مہم کے دوران 110 کروڑ روپے کی ہیرا پھیری کرنے والے چھے ملزمین کو گرفتار کرلیا۔ گرفتار لوگوں پر ایک نجی کمپنی کے بینک اکاؤنٹ کو ہیک کرنے اور 110 کروڑ روپے کرپٹو کرنسی میں منتقل کرنے کا الزام ہے۔

اورنگ آباد: ریاست مہاراشٹر کے اورنگ آباد سائبر پولس اسٹیشن نے اک بنی کے 110 کروڑ روپے انٹرنیٹ بینکنگ کے ذریعے کرپٹو کرنسی میں تبدیل کرنے والے چھ ملازمین کواورنگ آباد شہر کی سائبر پولس ایک ہوٹل سے گرفتار کیا ہے۔ پولیس سے ملی اطلاع کے مطابق مخبر سے خبر ملی تھی۔ اس پر کارروائی کرتے ہوئے پولیس نے اسٹار ریز کمپنی کے بینک آف انڈیا کے کارپوریٹ بینک اکاؤنٹ میں موجودہ 110 کروڑ روپے انٹرنیٹ بینکنگ اور بینک کی ویب سائٹ کے ذریعہ ہیکر ایپ کا استعمال کرتے ہوئے مذکورہ رقم منتقل کر کے اسے کرپٹو کرنسی میں تبدیل کرنے کی کوشش کرنے والے چھ ملزمین کو شہر کی ایک ہوٹل سے حراست میں لے لیا ہے۔

ذرائع کے مطابق تمام افراد سے یہاں ایک جگہ موجود ہونے کا سبب پوچھا گیا تو وہ اطمینان بخش جواب نہیں دے سکے ۔ان کی تلاشی لی گئی تو موبائل فون اور اسٹار ریز کمپنی کے بینک اکاؤنٹ اور انٹرنیٹ بینکنگ کی معلومات والے دستاویزات پولیس کو برآمد ہوئے۔ ان ملزمین کے موبائل فون کی جانچ کے دوران مختلف کارپوریٹ کمپنیوں کے بینک اکاؤنٹ اور انٹرنیٹ بینکنگ کی معلومات بھی پولیس کو دستیاب ہوئیں۔

مذکورہ ملزمین ہیکر کی مدد سے اسٹار ریز کمپنی کے اکاؤنٹ سے رقم ٹرانسفر کر کے اسے کرپٹو کرنسی میں تبدیل کرنے کی تیاری میں مصروف دیکھائی دیے۔ ان کے قبضہ سے چھ موبائل فون دو لیپ ٹاپ اور اہم دستاویزات و دیگر اشیاء ضبط کی گئی ہیں۔ ان کے خلاف سائبر پولس اسٹیشن میں آئی پی سی 420، 511 اور 34 آئی پی سی اور آئی ٹی ایکٹ کی دفعہ 4 کے تحت جرم درج کیا ہے ان سبھی ملزمین کو عدالت میں پیش کیا گیا جس کے بعد عدالت نے ان سبھی کو دو دن کی پولیس کسٹڈی میں بھیجا ہے۔