سہارنپور: ٹرینوں میں لوٹ پاٹ کرنے والے چار شرپسند گرفتار

سہارنپور میں ریلوے سٹیشن کے پلیٹ فارم نمبر چار پر چیکنگ کے دوران چار شرپسندوں کو گرفتار کیا گیا۔ ملزمان کے قبضے سے ایک 9 ایم ایم پستول اور 10 کارتوس، 19 موبائل، دو گم شدہ فون، ایک چین اور ایک پیلی دھات کی انگوٹھی برآمد کی گئی۔

ریاست اتر پردیش کے سہارنپور میں ریلوے سٹیشن کے پلیٹ فارم نمبر چار پر چیکنگ کے دوران چار شرپسندوں کو گرفتار کیاگیا۔ ملزمان کے قبضے سے ایک 9 ایم ایم پستول اور 10 کارتوس، 19 موبائل، دو گم شدہ فون، ایک چین اور ایک پیلی دھات کی انگوٹھی برآمد کیا گیا ہے۔

اطلاعات کے مطابق چاروں شرپسند اتر پردیش، اتراکھنڈ اور ہریانہ جانے والی ٹرینوں میں ڈکیتی اور چوری کی وارداتیں انجام دیتے تھے۔ گرفتار کئے گئے ملزمان جانی عرف شبھم، ڈھول، اُپکار اور مونو ساکن سنہری کھڑکھڑی اور جانکھیڑا ضلع سہارنپور کو جیل بھیج دیا گیا۔

جی آر پی ملزم کے دیگر ساتھیوں کی تلاش میں بھی مصروف ہے۔ پورے واقعہ کی جانکاری دیتے ہوئے ایس پی ریلوے سیکشن مرادآباد ڈویژن اپرنا گپتا نے ضلع سہارنپور جی آر پی تھانے پہنچ کر اس واقعہ کا انکشاف کیا۔