نوئیڈا: پولیس نے چار شاطر چوروں کو گرفتار کیا

اترپردیش کے نوئیڈا تھانہ سیکٹر 49 میں پولیس نے گاڑی چوروں کے ایگ گروہ کا پردہ فاش کرتے ہوuے اس کے چار ارکان گرفتار کیا ہے ۔ اور ان کے قبضے سے 6 قیمتی کاریں بھی بر آمد کی ہیں۔

سیکٹر 6 میں اے سی پی سنکلپ شرما نے پریس کانفرنس کرتے ہوئے کہا کہ پکڑے گئے چاروں ملزمین اس سے قبل بھی متعدد مجرمانہ سرگرمیوں میں ملوث رہے ہیں۔ اور ان پر مختلف تھانوں میں مقدمات درج ہیں۔

انہوں نے کہا کہ ان چاروں کو سیکٹر 116 سپر مارکیٹ کےقریب گرفتار کیا گیا ہے ۔جہاں یہ چوری کی گئی گاڑیوں کے پرزے الگ الگ کرکے کباڑیوں کے ہاتھوں فروخت کرتے تھے ۔

انہوں نے مزید کہا کہ پکڑے گئے یہ چاروں ملزمین اتر پردیش کے مختلف اضلاع کے رہائشی ہیں۔

انہوں نے کہا کہ ان کے پاس سے 6 لگژری گاڑیاں برآمد کی گئی ہیں ۔ جن میں سے ایک فارچون، دوسوئفٹ کاریں ،ایک بریزا، ایک بیلونا اور ایک اسکارپیو شامل ہیں۔