امروہہ: پولیس نے مارچ نکال کر امن قائم رکھنے کی اپیل کی

دہلی میں ہوئے تشدد کی وجہ سے سیکیورٹی کے مد نظر ریاست اترپردیش کے ضلع امروہہ میں پولیس نے پیدل مارچ نکال کر شہر میں سیکیورٹی کا جائزہ لیا اور لوگوں سے امن قائم کرنے کی اپیل کی۔

ریاست اترپردیش کے ضلع امروہہ میں دہلی تشدد کے بعد ہائی الرٹ جاری کر دیا گیا ہے اور شہریت ترمیمی قانون کے خلاف دہلی میں ہوئے تشدد کو دیکھتے ہوئے ضلع مجسٹریٹ اُمیش مشرا اور پولیس کپتان ویپن تاںڑا نے امروہہ شہر میں مارچ نکال کر لوگوں سے امن کی اپیل کی ہے۔

بتا دیں کہ امروہہ میں دہلی میں ہوئے تشدد کے بعد امن قائم رکھنے کے لیے سڑک پر ضلع مجسٹریٹ اور کپتان نکلے۔

انہوں نے ٹرانسپورٹ نگر چوراہا، محلہ کوٹ چوراہا، شررافہ مارکیٹ اور کوتوالی تک پیدل مارچ نکالا۔

اس دوران ضلع مجسٹریٹ اور کپتان نے لوگوں کے دُکانوں پر جا جا کر دُکانداروں سے بات چیت کی اور ان کو بھروسہ دلایا کہ امروہہ میں امن ہے اور کسی طرح کی بھی کوئی دقت نہیں ہے۔

پولیس نے مارچ نکال کر امن قائم کرنے کی اپیل کی

انہوں نے لوگوں سے کہا کہ اگر کسی بھی افراد کو کوئی پریشانی ہوتی ہے تو وہ پولیس سے رابطہ قائم کرے۔

انہوں نے بتایا کی بدانتظامی اور ہنگامہ کرنے والوں کے خلاف سخت قانونی کاروائی کی جائے گی۔