پولیس پر معذور اور اس کے بھانجے کو پیٹنے کا الزام

اترپردیش کے نوئیڈا میں پولیس پر ایک معذور اور اس کے بھانجے کی بے رحمی سے پٹائی کا الزام لگا ہے۔ متاثرین کے مطابق پولیس نے ڈاکٹروں کے سامنے اسپتال میں بھی ان کی بے رحمی سے پٹائی کی اور بال کٹوا دئے۔

اتر پردیش کے نوئیڈا کے سیکٹر 39 میں واقع صدر پور گاؤں کے رویندر چوہان اور اس لڑکے نے پولیس پر الزام عائد کیا ہے کہ پولیس نے اس کی اور اس کے بھانجے کی بے رحمی سے پٹائی کی۔

اس نے خاص طور سے پی سی آر 36 پر تعینات جیتندر بیسویا کا ذکر کیا ہے۔ الزام کے مطابق جیتندر بیسویا نے ڈاکٹروں کے سامنے اسپتال میں بھی ان کی بے رحمی سے پٹائی کی اور بال بھی کٹوا دیئے۔

گذشتہ رات نو بجے جب صدر پور گاؤں کے گلی نمبر 9 میں رویندر سنگھ چوہان کا لڑکا پانی سے لدا رکشہ لے کر کھڑا تھا، اس وقت وہاں رہنے والے کچھ لڑکے اسکوٹی سے گزر رہے تھے۔ ان لڑکوں کے درمیان راستہ دینے کے معاملے پر تکرار ہوئی۔ اس دوران اسکوٹی والے لڑکوں نے پانی والے کی پٹائی کر دی۔

جب رویندر چوہان کو معلوم ہوا تو وہ موقع پر پولیس کے ساتھ پہنچے۔ الزام ہے کہ پولیس اہلکار جیتندر بیسویا نے بغیر کسی پوچھ تاچھ کے اس معذور اور اس کے بھانجہ کو بیلٹ سے مارنا شروع کر دیا۔ یہاں تک کہ اسپتال میں بھی ڈاکٹروں کے سامنے بری طرح پٹائی کی اور اس کے بال بھی کٹوا دیئے۔

ابھی تک کسی کے ملزم پولیس اہلکار کے خلاف کوئی بھی کاروائی نہیں ہوئی ہے۔