وزیراعظم آج وارانسی کے لوگوں سے بات چیت کریں گے

وزیر اعظم نریندر مودی آج ویڈیو کانفرنسنگ کے ذریعے اپنے لوک سبھا حلقہ وارانسی کے باشندوں سے بات چیت کریں گے۔ بات چیت صبح 11 بجے ہونے والی ہے۔

رکن پارلیمان کے طور پر وزیراعظم نریندر مودی آج صبح 11 بجے اپنے لوک سبھا حلقہ وارانسی کے منتخب لوگوں سے بات چیت کریں گے۔

وزیراعظم مودی نے ٹویٹ میں کہا کہ ' کووڈ-19 وبائی مرض کے دوران وارانسی میں شہریوں اور سماجی تنظیموں سے وابستہ افراد نے نہ صرف ضرورت مند لوگوں کی پوری لگن کے ساتھ مدد کی بلکہ مقامی انتظامیہ کو ہر طرح کی مدد بھی فراہم کی۔ میں گیارہ بجے ویڈیو کانفرنسنگ کے ذریعہ اپنے پارلیمانی حلقے کے لوگوں کے ساتھ بات چیت کا بہت خواہش مند ہوں۔'

واضح رہے کہ گذشتہ ماہ وزیر اعظم مودی نے اپنے پارلیمانی حلقے میں مختلف ترقیاتی منصوبوں اور وہاں کووڈ۔19 کے خلاف جاری جنگ میں مقامی انتظامیہ کی کوششوں کا جائزہ لیا تھا۔