پی ایم مودی نے کلیان سنگھ کو خراج عقیدت پیش کیا

وزیر اعظم نریندر مودی نے لکھنؤ میں کلیان سنگھ کی رہائش گاہ پر پہنچ کر انہیں خراج عقیدت پیش کیا۔

لکھنؤ: وزیر اعظم نے لکھنؤ میں اتر پردیش کے سابق وزیر اعلیٰ کلیان سنگھ (Former CM Kalyan Singh) کی رہائش گاہ پر پہنچ کر انہیں خراج عقیدت پیش کیا۔

وزیر اعظم نریندر مودی کے علاوہ وزیر داخلہ امیت شاہ، وزیر دفاع راج ناتھ سنگھ، اوما بھارتی، ونے کٹیار، جموں و کشمیر کے لیفٹیننٹ گورنر منوج سنہا، راجستھان کے گورنر کلراج مشرا، مدھیہ پردیش کے وزیر اعلیٰ شیوراج سنگھ چوہان سابق وزیراعلی کلیان سنگھ کی آخری رسومات میں شرکت کریں گے۔

واضح رہے کہ گزشتہ روز اترپردیش کے سابق وزیر اعلیٰ و بی جے پی کے سینیئر رہنما کلیان سنگھ کا انتقال ہو گیا۔ وہ ایک لمبے عرصہ سے مختلف بیماریوں میں مبتلا تھے۔

اس سے قبل لکھنؤ میں وزیر اعظم کی آمد کے موقع پر اتر پردیش کے وزیر اعلی یوگی آدتیہ ناتھ ان کا استقبال کرنے لکھنؤ ایئر پورٹ پہنچے تھے۔