'وزیر اعظم ملک کی عوام کو گمراہ نہ کریں'

سماجوادی پارٹی کے رہنما حاجی یوسف نے کہا کہ 'وزیر اعظم کہتے ہیں کہ چین کے فوجی ہماری سرحد میں داخل نہیں ہوئے، ان کے اس بیان سے ثابت ہوتا ہے کہ مودی جی عوام کو گمراہ کر رہے ہیں'۔

ریاست اتر پردیش کے مرادآباد سماج وادی پارٹی سے سابق ایم ایل اے حاجی یوسف انصاری نے میڈیا سے کہا کہ وزیر اعظم مودی جی اپنے بیان میں کہتے ہیں کہ چین کے فوجی ہماری سرحد میں نہیں داخل ہوئے اور ہمارا کوئی نقصان نہیں ہوا ہے۔

وزیر اعظم نریندر مودی کے بیان سے یہ ثابت ہوتا ہے کہ مودی جی عوام کو گمراہ کر رہے ہیں، میں ہاتھ جوڑ کر مودی جی سے کہنا چاہتا ہوں کہ اپنے بیان بازی سے عوام کو گمراہ نہ کریں جو سچائی ہے اسی بات کو بتائیں۔

لداخ کی وادی گلوان میں 15 اور 16 جون کے درمیان سرحد پر چین اور بھارتی فوج کے بیچ جھڑپ ہوئی تھی، اس جھڑپ میں 20 بھارتی فوجی ہلاک ہو گئے تھے۔