پلاسٹک مہم کا مذاق

ریاست اترپردیش کے ضلع مرادآباد کے بلاری بلاک سربراہ کے ضمنی انتخابات میں بی جے پی ضلع صدر راجپال چوہان نے اپنے امیدوار ڈاکٹر انامیکا یادو کے ساتھ پرچہ داخل کیا اس موقع پر سینکڑوں کی تعداد میں بی جے پی کارکنان موجود رہے۔

واضح رہے کہ تقریبا 2 ماہ پہلے مرادآباد بلاری بلاک کے سربراہ انوکھے لال یادو کا دل کا دورہ پڑنے سے اچانک موت ہو گئی تھی جس کی وجہ سے بلاری کے سربراہ کی سیٹ خالی تھی۔

اس انتخابات میں بی جے پی امیدوار انامیکا یادو کے سامنے کسی بھی امیدوار نے اپنا پرچہ داخل نہیں کیا جس کی وجہ سے ڈاکٹر انامیکا یادو اس انتخابات میں غیر مقابلہ منتخب کی گئی۔

بی جے پی امیدوار کے فتح کی خوشی میں بی جے پی کارکنان نے 'سوچھ بھارت ابھیان' کا مذاق بنایا کیوںکہ وہ اس دوران پلاسٹک کی گلاسز استعمال کیے جو اترپردیش حکومت اس پر روک لگائی ہے۔