انہوں نے کہا کہ کسانوں کی تحریک پر مرکزی حکومت بے بنیاد اور نا مناسب بیانات دے رہی ہے۔ انہوں نے واضح کیا کہ کانگریس کا کوئی بھی رہنما کسانوں کے ساتھ کھڑا نہیں ہوا ہے۔
اس کے باوجود مسلسل کسانوں کے احتجاج کے پیچھے کانگریس کا ہاتھ ہونے کی بات کرنا افسوسناک ہے۔
ریاست اتر پردیش کے ضلع بارہ بنکی میں اپنی رہائش گاہ پر ای ٹی وی بھارت کے ساتھ خصوصی گفتگو میں پی ایل پنیا نے کہا کہ کسانوں کے مطالبات جائز ہیں۔ اس میں کسی بھی قسم کا کوئی شبہ نہیں ہے۔
کسانوں کا شروع سے کہنا ہے کہ یہ غیر سیاسی تحریک ہے اور اس میں سیاسی رہنماؤں کو شامل نہیں کیا جائے گا۔ اس میں صرف کسانوں کے مسائل کی ہی بات ہوگی۔ اس کے باوجود مرکزی حکومت اور بی جے پی کے رہنما ایسے ویسے بیانات دے رہے ہیں۔
انہوں نے کہا کہ کبھی کہا جاتا ہے کہ کسانوں کی تحریک کے پیچھے خالصتانی ہیں، کبھی پاکستانی، کبھی نکسلی، کبھی دہشتگرد اور کبھی کانگریس کو اس کا ذمہ دار قرار دیا جاتا ہے۔
یہ بھی پڑھیں: کسانوں حق میں گاندھی وادی رہنما کا یک روزہ بھوک ہڑتال
اس قسم کے بیانات کے ذریعہ کانگریس کسانوں کی تحریک کو بدنام کرنے اور اس کی توہین کرنے کی کوشش کر رہی ہے۔ جو انتہائی افسوسناک ہے۔