بھاگوت کے بیان پر پی ایف آئی کا ردعمل

راسٹریہ سویم سیوک سنگھ (آر ایس ایس) کے سربراہ موہن بھاگوت کی جانب سے دیے گئے بیان کی پاپولر فرنٹ آف انڈیا (پی ایف آئی) نے سخت الفاظ میں مذمت کی ہے۔ پاپولر فرنٹ آف انڈیا کے قومی جنرل سیکرٹری انیس احمد کی جانب سے ایک بیان جاری کیا گیا ہے۔

ریاست راجستھان کے دارالحکومت جے پور میں انیس احمد نے کہا کہ ہم موہن بھاگوت کے اس بیان کی سخت لفظوں میں مذمت کرتے ہیں جس بیان میں موہن بھاگوت نے کہا ہے کہ موقع پرستوں نے شہریت ترمیمی قانون کو بنیاد بنا کر معاشرے میں نفرت اور تشدد پھیلانے کی سازش کی۔

انیس احمد نے کہا کہ یہ بیان ملک کے ان لوگوں کی توہین ہے جنہوں نے سیکولر اور آئین مخالف قانون کے خلاف احتجاج کیا اور آئین کے اصل مقصد کے تحفظ کے لیے آواز بلند کی۔

انیس احمد نے کہا کہ شہریت ترمیمی قانون معاشرے کو تقسیم کرنے والا قانون ہے۔'

انیس احمد کا کہنا تھا کہ شہریت ترمیمی قانون کے خلاف احتجاجی مظاہرے جمہوری احتجاج تھا۔

انہوں نےکہا کہ بی جے پی حکومت آرایس ایس کے ایجنڈا پر کام کر رہی ہے۔

انہوں نے مزید کہا کہ شہری ترمیمی قانون اور این آر سی اور کی مخالفت اس وقت تک جاری رہے گی جب تک ان کو واپس نہیں لیا جاتا۔