اذان پر پابندی کے معاملے کی سماعت جمعرات کو

مسجد میں لاؤڈ اسپیکر سے اذان پر روک لگانے کے خلاف غازی پور کے رکن پارلیمان افضل انصاری کے خط کو الہ آباد ہائی کورٹ نے عرضی کی شکل میں سماعت کے لئے رجسٹر کر لیا ہے جس پر چیف جسٹس کی بنچ جمعرات کو سماعت کرے گی۔

رکن پارلیمان انصاری نے لا وڈاسپیکر سے مسجدوں میں اذان پر پابندی لگانے کے ڈی ایم غازی پور کے حکم کے خلاف ہائی کورٹ کے نام خط بھیج کر اس میں مداخلت کی درخواست کی تھی۔ افضل نے اپنے خط میں کہا کہ ڈی ایم کا یہ فیصلہ بنیاد حقوق کو تلف کرنا ہے۔

انصاری نے کہا ہے کہ کورونا وائرس وبا سے ملک کی عوام پریشان ہیں۔ غازی پور کا ہر شہری لاک ڈاؤں پر عمل کر رہا ہے۔ لوگ یہاں اپنے اپنے گھروں میں نماز پڑھ رہے ہیں لیکن دی ایم نے اپنے زبانی ہدایت میں اذان پر روک لگا دی ہے جو غلط ہے۔ رکن پارلیمان اس ضمن میں ہائی کورٹ سے خط کا نوٹس لے کر کاروائی کا مطالبہ کیا ہے۔

ڈسٹرکٹ مجسٹریٹ نے رکن پارلیمان کے خط کو بے بنیاد قرار دیا ہے۔ چیف جسٹس کی بنچ کل اس معاملے کی سماعت کرے گی۔