بارہ بنکی: مختلف شعبوں میں نمایاں کردار ادا کرنے والی شخصیات کو اعزاز

گاندھی جینتی کے موقع پر گاندھی جینتی سماروہ ٹرسٹ کی جانب سے منعقد سات روزہ تقریب کے دوسرے روز سماج کے مختلف شعبوں میں نمایاں کردار ادا کرنے والے شخصیات کو اعزاز سے نوازا گیا۔

اتر پردیش کے ضلع بارہ بنکی میں سنیچر کو گاندھی جینتی کے موقع پر گاندھی جینتی سماروہ ٹرسٹ کی جانب سے منعقد سات روزہ تقریب کے دوسرے روز سماج کے مختلف شعبوں میں نمایاں کردار ادا کرنے والے شخصیات کو اعزاز سے نوازا گیا۔

اس موقع پر کیرلا کے گورنر جناب عارف محمد شاہ کو بھی اعزاز دیا گیا، جس کے بعد عارف محمد خان نے گاندھی کے تعلق سے اپنے خیالات کا اظہار کرتے ہوئے کہا کہ 'گاندھی کی انفرادیت کبھی ختم نہیں ہوگی'۔

اعزازیہ تقریب میں گزشتہ روز کل 20 شخصیات کو اعزاز سے نوازا گیا، جس میں نوجوان رائیٹر حفیظ قدوائی کو خان عبدالغفار خاں ایوارڈ، سینئیر رہنما عمیر حیدر یوسف کو مہر علی ایوارڈ، جتیندر کمار پانڈے کو ڈاکٹر لوہیا سپت کرانتی ایوارڈ، راجیو رنجن رائے کو لوک بندھو راج ناراین ایوارڈ، نیرج تیاگی کو چندر شیخر ایوارڈ، منیش شکلا کو دین دیال اپادھیائے ایوارڈ، شاعر شکیل معین کو مجاز ایوارڈ، سابق آئی پی ایس راجیش کمار پانڈے کو پرشاسنک سیوا ایوارڈ، انڈین لا انسٹیوٹ کے سابق رجسٹرار کے ایس بھاٹی کو لائف ٹائم ایچیومینٹ ایوارڈ، اس کے علاوہ این اے میڈیا کے ڈائریکٹر اور دی ٹی فولیور کمپنی کے ڈائریکٹر کو پروگرام میں بہتر تعاون کے لئے اعزاز سے سرفراز کیا گیا۔