مرادآباد: آبی جماؤ سے عوام پریشان

ریاست اتر پردیش کے شہر مرادآباد کا نام اسمارٹ سٹی کے منصوبے میں شامل ہے۔

مرادآباد کو اسمارٹ سٹی بنائے جانے کے لیے متعدد منصوبے تیار کئے جا رہے ہیں اور ان منصوبوں کے نام پر کروڑوں کا بجٹ دیا جا رہا ہے۔

مرادآباد نگر نگم کی طرف سے دعوے کئے جا رہے ہیں 'سوچھ بھارت ابھیان' کے تحت شہر کو صاف ستھرا رکھا جارہا ہے۔

آبی جماؤ سے عوام پریشان

مرادآباد نگر نگم کے ان دعووں کی اگر حقیقت زمینی سطح پر دیکھی جائے تو یہ دعوے کھوکھلے ثابت ہوتے دکھائی دے رہے ہیں۔

مرادآباد کے تھانہ ناگپھنی علاقے میں سڑکیں گندے پانی سے بھر گئیں ہیں۔

مقامی لوگوں نے بتایا کہ سڑکوں پر بھرا یہ پانی برسات کا نہیں بلکہ نالیاں بند ہوجانے کی وجہ سے جمع ہوا ہے ۔

گندہ پانی کئی دنوں سے سڑک پر جمع ہے، اس کی وجہ سے راہگیروں کو بے حد پریشانیاں کا سامنا کرنا پڑ رہا ہے۔

مقامی لوگوں نے بتایا کہ اسی راستے سے لوگ پیدل مندر بھی جاتے ہیں اور مسجد بھی جاتے ہیں۔

عام طور پر مقامی لوگوں کا آنا جانا بھی اسی سڑک سے ہوتا ہے۔

اسی وجہ سے اب راہ گیروں کے آنے جانے میں دشواری ہو رہی ہے۔

اعلی افسران سے شکایت کرنے کے بعد بھی راہگیروں کی اس پریشانیاں بدستور برقرار ہیں۔