علی گڑھ ایس ایس پی منیراج جی نے ضلع علی گڑھ کے موجودہ ماحول پر روشنی ڈالتے ہوئے بتایا کہ 'ضلع علی گڑھ میں تین مختلف جگہوں پر احتجاجی دھرنا چل رہا ہے۔
یہ پرامن احتجاجی مظاہرہ شاہ جمال علاقے میں دوسرا پرانی چونگی گیٹ اے ایم یو اور تیسرا جیون گڑھ میں چل رہا ہے۔
ایس ایس پی نے کہا کہ 'کسی بھی طرح کی کوئی پریشانی نہیں ہے جس جگہ روڈ جام کر رہے ہیں اس جگہ ہم لوگ قانونی کارروائی کرکے مقدمہ درج کریں گے۔
منیراج جی نے مزید بتایا کہ 'ابھی تک تقریبا 14 مقدمہ درج ہوئے ہیں جس میں گرفتاری کے لیے ٹیمیں بنائی جارہی ہیں۔ 40 سے 50 نامزد لوگ ہیں اور تشدد کے وقت جو بھی لوگ موجود تھے ان کی شناخت کی جا رہی ہے جو لوگ شامل تھے انہی کے خلاف قانونی ایکشن لیا جائیگا۔
