بھارتی ریاست اترپردیش کے ضلع بدایوں میں عید الاضحی تہوار بڑے ہی امن و احترام کے ساتھ مکمل کیا گیا اور اس تہوار پر اظہار خیال کرتے ہوئے شاہ ثقلین اکیڈمی انڈیا کے قومی صدر حاجی ممتاز میاں نے ضلع انتظامیہ کا شکریہ ادا کیا۔
عیدالاضحیٰ کے اختتام پر شاہ ثقلین اکیڈمی آف انڈیا کے قومی صدر حاجی ممتاز میاں ثقلینی کا کہنا تھا کہ 'اللہ کا بہت شکر ہے کہ اس مرتبہ بھی عید کا تہوار خوشی اور امن و امان کے ساتھ مکمل ہوا اور اس میں ضلع انتظامیہ کی کارکردگی بھی قابل تعریف رہی۔'
یہ بھی پڑھیں: بدایوں: حکومتی گائڈ لائنس کے مطابق قربانی کا اہتمام
ہم آپ کو بتا دیں کہ ضلع بدایوں میں عید الاضحی کے موقع پر مختلف اسلامی تنظیموں اور تحریکوں کی جانب سے مدارس اور مختلف مذہبی مقامات پر مجموعی طور پر قربانی کے عمل کو حکومت کی گائیڈ لائن کے مطابق مکمل کیا گیا۔
واضح رہے کہ عید الاضحی کو بکرا عید کے نام سے بھی جانا جاتا ہے اور اس میں قربانی کے تین دن ہوتے ہیں، عید الاضحی ہر سال اسلامی ماہ ذی الحجہ کی 10 تاریخ کو منائی جاتی ہے۔