بارہ بنکی: جشن آزادی تقاریب میں بھیڑ نہیں ہوگی

کورونا وائرس کے بڑھتے خطرات کے درمیان جشن آزادی، محرم اور گنیش چترتھی جیسے تہواروں کو امن و امان کے ساتھ مکمل کرانے کے لیے ضلع بارہ بنکی کی انتظامیہ اور پولیس مستعد ہو گئی ہے۔

جاری کردہ گائیڈ لائن کے مطابق ضلع میں ان تینوں تہواروں پر کوئی جلوس وغیرہ نہیں نکلے گا۔ عوام گھروں میں رہ کر سماجی فاصلے پر عمل کرتے ہوئے ان تہواروں کو منا سکیں گے۔

ان تینوں تہواروں کے پیش نظر شہر کے جی آئی سی آڈیٹوریم میں جمعرات کو ضلع پیس کمیٹی کی میٹنگ منعقد کی گئی۔ جس میں تمام مذاہب کے علماء اور ذمہ داران نے شرکت کی۔

پیس کمیٹی میں پولیس اور انتظامیہ نے علماء کو گائیڈ لائن پر عمل کرتے ہوئے یہ تینوں تہواروں منانے کی ہدایت دی۔

ضلع مجسٹریٹ آدرش کمار سنگھ نے بتایا کہ، 'یوم آزادی کے موقع پر حکومتی دفاتر اور اسکولوں میں قومی پرچم پھہرایا جائے گا، لیکن اس دوران وہاں بھیڑ نہیں ہوگی۔'

انہوں نے کہا کہ، 'اس اہم روایت میں انہیں آن لائن جوڑنے کی کوشش کی جائے گی۔'

انہوں نے کہا کہ، 'پیس کمیٹی کے ذمہ داران نے یقین دہانی کرائی ہے کہ وہ گائیڈلائن کے مطابق یہ تینوں تہوار منائیں گے۔'

محرم کے پیش نظر دونوں مسلکوں نے واضح کیا ہے کہ وہ حکومتی گائیڈلائن پر مکمل طور سے عمل کریں گے۔

وہیں ان تینوں تہواروں کا فائدہ اٹھاکر غیر سماجی عناصر نظم و نسق کے لیے خطرہ نہ ہوں اس کے لیے پولیس نے بھی تمام انتظامات پر کر لیے ہیں۔