رامپور: ضلع پنچایت انتخابات میں عآپ نے 26 امیدواروں کی فہرست جاری کی

رامپور میں ضلع پنچایت انتخابات کے مدنظر سرگرمیاں تیز ہو چکی ہیں۔ عام آدمی پارٹی (اترپردیس) کے نائب صدر فیصل خاں لالہ کی صدرات میں ایک میٹنگ بریلی گیٹ واقع پارٹی دفتر پر ہوئی جہاں پنچایت انتخابات کے لیے عآپ کے 26 اُمیدواروں کی فہرست جاری کی گئی۔

اترپردیش کے رامپور میں پنچایت انتخابات کے لیے عام آدمی پارٹی پہلی بار اپنے امیدواروں کو میدان میں اتار رہی ہے۔ پارٹی کے ریاستی نائب صدر فیصل خاں لالہ نے ضلع پنچایت انتخابات کے لیے 26 امیدواروں کی فہرست جاری کی ہے۔

رامپور میں ضلع پنچایت انتخابات کے مدنظر سرگرمیاں تیز ہو گئی ہیں۔ عام آدمی پارٹی (اترپردیس) کے نائب صدر فیصل خاں لالا کی صدرات میں ایک میٹنگ بریلی گیٹ واقع پارٹی دفتر پر ہوئی، جہاں پنچایت انتخابات کے لئے عآپ کے 26 اُمیدواروں کی فہرست جاری کی گئی۔

اس موقع پر میڈیا کے نمائندوں سے خطاب کرتے ہوئے فیصل لالا نے کہا کہ عام آدمی پارٹی کے امیدوار نہ صرف زبردست مقابلہ کریں گے بلکہ ضلع پنچایت انتخابات میں فتحیاب بھی ہوں گے۔

انہوں نے کہا کہ پارٹی کارکنان اور عہدیداران اپنی سطح سے محنت شروع کر دیں اور عوام سے اپیل کریں کہ عام آدمی پارٹی کے امیدوار کے حق میں ووٹ کریں۔

انہوں نے کہا کہ عوام بی جے پی حکومت کی پالیسیوں سے مایوس ہو چکے ہیں، ایسے میں عام آدمی پارٹی عوامی مفادات کے لئے سنجیدہ ہے۔

ساتھ ہی انہوں اپنے امیدواروں سے متعلق کہا کہ ان کی پارٹی اچھے اور سلجھے ہوئے لوگوں کو امیدوار بنا رہی ہے۔

واضح رہے کہ اس موقع پر پارٹی دفتر میں امیدواروں کے ساتھ ساتھ بڑی تعداد میں کارکنان بھی موجود رہے۔