آکسیجن پلانٹ کی لاگت ایک کروڑ 48 لاکھ روپے: اے ایم یو کی وضاحت

علیگڑھ مسلم یونیورسٹی (اے ایم یو) نے واضح کیا ہے کہ اعلی کوالٹی والے آکسیجن جنریشن پلانٹ کی لاگت مجموعی طور پر ایک کروڑ 48 لاکھ روپے ہے۔

دو روز قبل اے ایم یو کے جواہر لعل نہرو میڈیکل کالج و ہسپتال میں آکسیجن جنریشن پلانٹ کو نصب کیا گیا تھا جس کی لاگت ایک کروڑ 41 لاکھ روپے اور بجلی آلات کی لاگت 7 لاکھ روپے ہے جو مجموعی طور پر ایک کروڑ 48 لاکھ روپے ہوتی ہے۔

اے ایم یو کے چانسلر نے 52 لاکھ روپے کے عطیہ اور اے ایم یو اولڈ بوائز کے مالی تعاون سے قائم کیا گیا۔ وائس چانسلر نے فراخدلی کے ساتھ عطیات دینے کے لیے اے ایم یو چانسلر اور سابق طلباء کا شکریہ ادا کیا۔

آکسیجن جنریشن پلانٹ کی پیداواری صلاحیت 874 لیٹر آکسیجن فی منٹ ہے جو ایک وقت میں 250 مریضوں کی ضرورت پوری کرے گا۔ پلانٹ کا افتتاح گزشتہ دنوں اے ایم یو کے وائس چانسلر پروفیسر طارق منصور نے کیا تھا۔

اے ایم یو شعبہ رابطہ عامہ کی جانب سے واضح کیا گیا ہے اس سے قبل ایک کروڑ 84 لاکھ روپے کا ذکر گرافیکل غلطی تھی۔