بریلی میں ہفتے کے روز آئی وی آر آئی کی جانب سے 110 نمونوں کی رپورٹ آئی، جن میں 11 مریضوں کی رپورٹ مثبت آئی۔ اس میں، دو مثبت مریض شوہر اور اہلیہ ہیں، جن کا کووڈ 19 اسپتال میں علاج چل رہا ہے۔
بریلی ڈویژن کے چار اضلاع بریلی، شاہ جہاں پور، پیلی بھیت اور بدایوں کی آبادی تقریباً ایک کروڑ اُننچاس لاکھ ہے۔ ان چاروں اضلاع میں اس وقت کل کورونا متاثرین کی تعداد ایک سو اکسٹھ ہے۔
اعداد و شمار پر نظر ڈالیں تو فی ایک لاکھ آبادی پر تقریباً ایک کورونا مثبت مریض کا شمار ہوتا ہے۔ وہیں اگر ضلع بریلی کی بات کریں تو یہاں تقریباً پچاس لاکھ کی آبادی والے ضلع میں تقریباً ایک لاکھ پر اوسطاً دو مریض شمار کیے جا سکتے ہیں۔
بریلی میں مسلسل کورونا مثبت مریضوں کے ملنے کی وجہ سے اعلیٰ افسران نے سڑکوں پر گشت کررہے ہیں۔ شہر میں تقریباً دو درجن ہاٹ اسپاٹ بنائے گئے ہیں۔ شہر کے محلّہ شاہ دانہ، سیلانی، بہاری پور، چھوٹی بمن پوری اور دیگر علاقوں میں دوسری ریاستوں سے آنے والے مہاجر مزدوروں کی وجہ کورونا مثبت مریضوں کی تعداد میں یکے بعد دیگرے اضافہ ہو گیا ہے۔