سہارنپور ضلع پولیس بدمعاشوں اور مجرموں کی گرفتاری کے لیے چھاپہ ماری کی کاروائی کررہی ہے، وہیں مجرمین بھی خود کو پولیس کے حوالے کرنے میں عافیت محسوس کررہے ہیں۔
کانپورانکاؤنٹر کے بعد مجرموں کی خودسپردگی
ذرائع کے مطابق دیوبند علاقے کے ایک چھوٹن نامی بدمعاش نے خودسپردگی کرتے ہوئے آئندہ کسی بھی قِسم کے مجرمانہ عمل میں شامل نہ ہونے کا عہد کیاہے۔
دیوبند کوتوالی میں پولیس اور مقامی افراد اس وقت حیرت زدہ رہ گئے جب ایک شخص ہاتھ میں تختی اٹھائے کوتوالی میں داخل ہوا، تختی پر لکھا تھا' میرا نام چھوٹن ہے، میں لبکری گاؤں کا رہنے والا ہوں، میں خود کوپولیس کے حوالے کررہا ہوں اور آئندہ کبھی کسی بھی قِسم کے مجرمانہ عمل میں شامل نہیں ہونگا'۔
چھوٹن کے اس منفرد انداز میں خودسپردگی کرنے سے نہ صرف آس پاس کے لوگ بلکہ پولیس انتظامیہ بھی حیرت زدہ ہے۔