سی اے اے: نورا کی موت کی جانچ کا حکم

مظفرنگر ضلع مجسٹریٹ نے گزشتہ 20 دسمبر کو ہوئے احتجاج میں ہلاک ہونے والے نورا کی موت کی جانچ کرنے کا حکم دیا ہے۔

ریاست اتر پردیش کے ضلع مظفر نگر میں شہریت ترمیمی قانون کے خلاف گزشتہ 20 دسمبر کو ہوئے احتجاج میں نورا نامی نوجوان کی گولی لگنے سے موت ہو گئی تھی۔

نورا کے ہلاک ہونے پر نورا کے گھر سماج وادی پارٹی، آر ایل ڈی، کانگریس سمیت اپوزیشن کے تمام رہنما پہنچے تھے۔

بی ایس پی کے رکن پارلیمان فضل الرحمان کی سربراہی میں بی ایس پی کا وفد نورا کے گھر پہنچا اور ان کے گھروالوں کو دلاسہ دیا اور ہر ممکن مدد دلانے کا بھروسہ دیا۔