بارہ بنکی کے اورینج زون میں تمام بازار کھل گئے

ریاست اترپردیش کا ضلع بارہ بنکی اورینج زون میں شامل ہونے کی وجہ سے متعدد رعائتیں فراہم کی گئی ہیں جس کی وجہ سے منگل کو بارہ بنکی میں تمام بازار کھل گئے۔

بازار کھلنے کی وجہ سے بارہ بنکی شہر کی پرانی رونق لوٹتی نظر آئی ہے لیکن اس دوران بازار میں جمع بھیڑ سے باہمی فاصلے اور دیگر احتیاط کھٹائی میں نظر آ رہی ہے جس کی وجہ سے یہاں انفیکشن بڑھنے کا خطرہ نظر آرہا ہے۔

قابل غور ہے کہ بارہ بنکی کی رونق تقریباً 40 روز بعد واپس لوٹی ہے، بازار کھلنے کے بعد عوام بھی بازار میں کثیر تعداد میں نظر آئی ساتھ ہی بارہ بنکی کی عوام بازار کھلنے سے خوش تو ہیں ہی لیکن خطرے کو لے کر بھی تشویش میں ہے اس لیے وہ تمام احتیاط پر عمل کرنے کی وکالت کر رہی ہے۔

وہیں 40 روز سے بازار بند ہونے سے معاشی طور پر ٹوٹ چکے تاجر بھی دوکانیں کھولنے کو لے کر کشمکش میں ہیں لیکن ان کے سامنے بھی جان کے ساتھ جہان کی مجبوری ہے اس لیے انہوں نے دوکانیں کھول دی ہیں۔

ادھر انتظامیہ بھی ایک ساتھ تمام دوکانوں کے کھل جانے سے تشویش میں مبتلا ہے اس لیے عوام سے اپیل کی جارہی ہے کہ وہ رعایتوں کا غلط مطلب نہ نکالیں اور تمام احتیاط پر پہلے کی طرح ہی عمل کریں۔