لاک ڈاؤن: صرف پاس ہولڈرز کو ہی سبزی فروخت کرنے کی اجازت

کورونا وائرس کے پیش نظر احتیاتی طور پر پورے ملک میں 21 دن کے لاک ڈاون کے نفاذ کا اعلان کیا گیا ہے۔ اس دوران ضروری اشیأ کی دوکانوں کے علاوہ تمام بازاروں اور آمد و رفت پر پوری طرح سے روک لگا دی گئی ہے۔

ریاست اترپردیش کے رامپور میں سبزی فروشوں کو سبزی فروخت کرنے کے لیے خصوصی پاس مہیا کیے جا رہے ہیں۔ جس کا مقصد یہ ہے کہ صرف وہی سبزی فروش اپنی سبزیاں منڈی سے لاکر فروخت کر سکیں جن کے پاس یہ خصوصی پاس ہوگا۔

کورونا وائرس سے تحفظ کے لیے 21 دن کے لاک ڈاون کا باقاعدہ آغاز ہو چکا ہے۔ اس دوران ضروری اشیأ، جس میں خصوصی طور پر پھل اور سبزیاں بھی شامل ہیں، انھیں عوام تک پہچانے کے لیے سبزی فروشوں کی نشاندہی کرکے انھیں پاس مہیا کرائے جا رہے ہیں۔

پاس کا نظم اس لیے کیا گیا ہے کہ رہائشی علاقوں میں کم سے کم بھیڑ ہو، وہیں منڈی میں بھی خرید و فروخت کے لیے لوگوں کی بھیڑ کو کم کیا جا سکے۔

یہی وجہ ہے کہ منڈی سمیتی کی جانب سے سبزی فروشوں کو پاس فراہم کیے جا رہے ہیں۔