امروہہ میں آن لائن نعتیہ مشاعرہ

امروہہ میں محرم الحرام کے دوران مومن انصار سبھا کی جانب سے شہیدانِ کربلا کی یاد میں ایک نعتیہ پروگرام منعقد کیا گیا۔

ریاست اتر پردیش کے ضلع امروہہ میں ہر سال کی طرح امسال بھی محرم الحرام کے دوران مومن انصار سبھا نے حضرت امام حسین اور شہیدانِ کربلا کی یاد میں ایک نعتیہ مشاعرہ کا انعقاد کیا۔

یہ نعتیہ مشاعرہ ہر سال مومن انصار سبھا سے جڑے نوجوانوں کی جانب سے کرایا جاتا ہے جس میں دور دراز سے شاعر آتے ہیں اور امام حسین رضی اللہ تعالی عنہ کی شان میں کلام پیش کرتے ہیں۔

اس موقع پر اطہر قادری نے بتایا کہ ہر سال ہونے والا یہ پروگرام اس بار کورونا وائرس کی وجہ سے آن لائن کیا گیا ہے جس کو پورے بھارت سمیت دیگر بیرونی ممالک میں بھی دیکھا گیا ہے۔