میرٹھ: گھر پر ہی آن لائن مجلس کا اہتمام کیا جا رہا ہے

كورونا کے خطرے کے پیش نظر اور حکومت کی جانب سے ہدایات پر عمل کرتے ہوئے ماہ محرم میں گھر پر ہی آن لائن مجلس کا اہتمام کیا جا رہا ہے۔

کورونا وبا کے سبب سرکاری گائیڈ لائن اور مراجع کرام کی ہدایات کے پیش نظر اس سال ماہ محرم میں امام بارگاہوں میں اجتماعیت کے ساتھ عشرہ مجالس اور سڑکوں پر جلوسوں کا انعقاد تو نہیں کیا جا رہا ہے، لیکن عزاداری کا سلسلہ بدستور روایتی انداز میں جاری ہے۔ مجالس کا انعقاد عزاداران شہداء کربلا کی جانب سے اپنے گھروں میں کیا جا رہا ہے، میرٹھ میں بھی اسی انداز میں عشرہ مجالس کا اہتمام گھروں میں کیا جا رہا ہے۔

ریاست اتر پردیش کے ضلع میرٹھ میں بھی كورونا کے خطرے كو ديكهتے ہوئے حکومت کی گائڈ لائن پر عمل کرتے ہوئے عزاداران امام حسین اپنے گھروں میں فرش عزا بچھا کر آن لائن خطاب کے ذریعے مجالس کا انعقاد کر رہے ہیں۔

خطیب اہل بیت یو ٹیوب پلیٹ فارم کے ذریعے مجلس کو خطاب کر رہے ہیں اور اس طرح سے مجالس کا سلسلہ جاری ہے۔

گھر پر ہی آن لائن مجلس کا اہتمام

اس متعلق عزاداران کا کہنا ہے کہ، 'حضرت امام حسین کے غم كو منانے کیلئے اس مرتبہ ہم اپنے گهروں میں رہ کر ہی اس کا اہتمام کر رہے ہیں۔'

گھر پر ہی آن لائن مجلس کا اہتمام

كورونا کے خطرے کے پیش نظر رکھتے ہوئے حکومت کی جانب سے جاری ہدایات پر عمل کرتے ہوئے عزاداران اپنے گھر پر ہی آن لائن مجالس میں شامل ہو رہے ہیں۔

ماہ محرم کا پیغام بھی یہی ہے کہ کسی بھی طرح کے مشکل وقت میں ہمیں اپنے صبر جمیل سے کام لینا چاہئے۔