سنبھل: آن لائن عزاداری کا سلسلہ جاری

عالمی وبا کورونا وائرس کے سبب عوامی زندگی تو متاثر ہو ہی گئی ہے بلکہ اس کے اثرات مذہبی امور پر بھی پڑے ہیں۔ رواں برس یومِ عاشورہ کے مذہبی امور اجتماعی طور پر نہیں ہو سکے، جس کے سبب بہت سے امور آن لائن ادا کیے جا رہے ہیں۔

محرم کا چاند نظر آتے ہی عزاداری کا سلسلہ شروع ہو جاتا ہے۔ محرم کے سلسلے کے تعلق سے مجلس، ماتم، مرثیہ اور نوحہ خوانی کا سلسلہ جاری ہے۔

کورونا وائرس وبا کے سبب اترپردیش کے ضلع سنبھل میں آن لائن ماتم کی مجلس کا اہتمام کیا گیا۔

ضلع سنبھل کے سرسی سادات میں انجمن حسینی نے حضرت امام حسین علیہ السلام کے بیٹے حضرت علی اکبر کی شہادت کی یاد میں آن لائن نوحہ پڑھ کر پرسہ دیا۔