وزیراعلی یوگی کو جان سے مارنے کی دھمکی دینے والا ایک اور گرفتار

اتر پردیش کے وزیر اعلی یوگی آدتیہ ناتھ کو واٹس ایپ پر جان سے مارنے کی دھمکی دینے کے معاملے میں ایک اور گرفتاری ہوئی ہے۔

اتر پردیش ایس ٹی ایف اور مہاراشٹر اے ٹی ایس نے وزیر اعلی یوگی آدتیہ ناتھ کو بم سے مارنے کی دھمکی دینے کے معاملے میں ایک اور گرفتاری کی ہے۔ سید محمد وہاب نامی شخص کو ناسک سے مہاراشٹرا اے ٹی ایس نے گرفتار کیا ہے۔ اس نے پولیس کو فون پر دھمکی دی تھی کہ 'اگر گرفتار ملزم کامران خان کو رہا نہیں کیا گیا تو اس کے نتائج برے ہوں گے۔

اس کے بعد مہاراشٹر اے ٹی ایس اور اتر پردیش ایس ٹی ایف نے اسے گرفتار کرنے کی کوشش شروع کردی اور پھر پولیس نے ملزم کو گرفتار کر لیا۔ دوسری طرف اتر پردیش ایس ٹی ایف کامران سے مسلسل پوچھ گچھ کررہی ہے جسے پہلے ہی گرفتار کرلیا گیا ہے۔