لکھنؤ: ٹرک کی ٹکر سے ایک کی موت، چار زخمی

اتر پردیش کے دارالحکومت لکھنؤ کے شہید پتھ پر کھڑے ٹرک کو دوسری طرف سے انتہائی تیز رفتاری سے آنے والے ٹرک نے زوردار ٹکر ماردی، جس سے ایک شخص کی موقع پر ہی موت ہوگئی جبکہ دیگر چار لوگ زخمی ہوگئے۔ اُنہیں رام منوہر لوہیا ہسپتال میں داخل کرایا گیا ہے۔ جہاں وہ لوگ خطرے سے باہر ہیں۔

سڑک حادثے کی خبر ملتے ہی پولیس نے فائر بریگیڈ کو اطلاع دی اور موقع پر پہنچ کر فائر بریگیڈ نے کٹر سے کاٹ کر ڈرائیور کو محفوظ طریقے سے باہر نکال لیا، وہ اب خطرے سے باہر ہیں۔

ایف ایس او مدن سنگھ نے بتایا کہ شہید پتھ پر ایک ٹرک خراب تھا، جسے ٹوچنگ کرنے کے لیے دوسرا ٹرک تھا۔ تبھی کانپور کی طرف سے آ رہے تیز رفتار ٹرک نے زوردار ٹکر ماری، جس سے خراب ٹرک میں بیٹھے ایک شخص کی موت ہو گئی۔

انہوں نے کہا کہ جس ٹرک سے ٹکر ہوئی، اس کا ڈرائیور اسٹیرنگ میں بری طرح پھنس گیا تھا لیکن ہماری ٹیم نے آدھا گھنٹہ کی مشقت کے بعد اسے صحیح سلامت نکال لیا ہے۔ حالانکہ اس کے پیر میں چوٹ پہلے ہے لگ چکی تھی لیکن ہم نے اس بات کا خیال رکھا کہ اُنہیں مزید چوٹ نہ پہنچنے پائے۔

معلوم رہے کہ تیز رفتار سے شہر میں اکثر سڑک حادثے ہوتے ہیں، لیکن ذمہ داران اس جانب توجہ نہیں دے رہے ہیں۔